34週喇！ by 胡師奶

今朝又去做產檢，
醫生話我冇乜點重，
可能因為我之前著波鞋磅，
今日著平底鞋卦？！
不過最重要都係小寶有增磅，
今日estimate佢有4磅13安士重，
進度ok。

今日睇唔清小寶個樣呀，
醫生又指小寶D頭髮俾我睇，
不過我諗係佢至知果D係頭髮law......

做完產檢就去左吉之島逛逛，
當然又買左野俾小寶啦！
之後又去左永安買嬰兒浴巾，
再去埋Apita買尿片，
滿載而歸呀！

P.S.多謝小寶個婆婆陪左我大半日呀！

聖誕快樂！ by 胡師奶

小寶，

Merrry Christmas ^o^

今日收到你公公份大禮，
你開唔開心呀？
個個親戚朋友都咁錫你，
你一定要乖呀，知道嘛？！

公公、婆婆同盈EE好快就搬屋喇，
等你出左世，
daddy、媽咪就帶你去同盈EE玩Wii，
盈EE間房仲有好多玩具玩，
包你鍾意呀！
不過你唔好整爛盈EE D野喎，
盈EE會嬲架！

仲有個半月左右你就出世喇，
大家一齊努力呀！

Love，
媽咪

執野、執野、再執野 by 胡師奶

仲有七七四十九日就到預產期，
已經好努力咁買野、執野，
但係好似永遠都未ready，
真係有D擔心到時會一片混亂呀！

繼上個星期捐左兩大袋毛公仔之後，
今日又的起心肝清左一櫃桶既CD，
雖然D毛公仔同CD都keep左好耐，
但係我實在頂唔順全屋都係野喇，
為左放置小寶D野，唯有犧牲一下啦！

下個mission就係要大寶daddy執埋細房吊櫃D舊小說，
然後捐去club house個閱讀室，
希望Christmas holiday可以搞掂啦，
大寶daddy，睇你喇！

有野玩 by 胡師奶

小寶架私家車今日送左黎，
大寶daddy又買左奶煲，
所以我同大寶daddy今晚食完飯有野玩喇！

首先我地試左個奶煲，
好似幾好用，
好快就steam完喇！



之後就玩小寶架私家車，
原來架車有好多部份要自己砌，
大寶daddy話本說明書睇死人，
最後我都有幫手，
終於大功告成，
好happy呀！

白蓮鬚 by 胡師奶

踏入8個月，
可以開始食涼野喇！

今日就試下煲白蓮鬚，
其實我唔知係乜，
不過D人(包括小寶個婆婆)話白蓮鬚煲雞蛋有助解胎毒，
同埋生BB時有氣力D，
過程會順利D喎！

唔知係咪真，
不過試下冇壞，
希望好味啦！

<<呢D就係白蓮鬚>>


<<過程進行中>>

八個月喇~~ by 胡師奶

今朝又去做產檢，
照ultrasound時小寶竟然係眠眠中，
第一次咋！
不過佢尋晚開P開左成晚，
都應該要抖抖。

醫生話小寶家陣大約四磅重，
非常標準，
咁我又安心D。

做完產檢同大寶去左婦產科望望D病房，
婦產科好新好大，
感覺都好舒服。

離開醫院時竟然見到Leon個助手子泉&樂基兒，
如果我去叫子泉，
唔知佢認唔認得我呢？哈哈！

之後我同大寶去左護協買野，
今次買左個電動奶泵，
便攜式換片墊同埋一D濕碎野，
收穫豐富呀！

<<懷孕八個月的胡師奶>>

簽約 by 胡師奶

尋日收到女傭中心個agent通知，
話姐姐響菲律賓已驗身同簽約，
份約已寄返香港，
叫我隨時去簽。

今日放工即刻去，
個agent唔錯，
幫我預備埋封信俾領事館話我BB 2月出世，
希望佢地加快審批喎！

唔知姐姐可唔可以響小寶出世前到，
不過唔怕，
皆因我仲有個強大後盾，
就係小寶個婆婆喇，
哈哈哈哈哈！

小寶的私人座駕 by 胡師奶

小寶，

今日daddy同媽咪去Chicco幫你訂左架"私家車"喇，
雖然架車比較大同埋重，
但係學你舅父&LuLu契媽話齋，
最緊要穩陣、安全嘛！
而且單手都可以開車同收車，
所以我諗我都搞得掂既。

你大個女記得要多謝舅父呀，
因為舅父話入佢數喎，
所以媽咪會去追數架喇，哈哈！

Love，
媽咪

<<小寶的私人座駕... 好似係呢款...>>

31週 by 胡師奶

今日去左沙田科學園，
參加HealthBaby提供既免費講座，
Topic係"臍帶血處理及應用講座+實驗室參觀"。
因為大寶daddy又要返學，
所以盈EE陪我去，
thank you盈EE！

其實尋晚大寶daddy已經決定揀呢間，
所以聽完講座，參觀完實驗室，
我都即刻搵sales報名。
不過因為得太少sales，
所以都攪左好耐呀！

簽完約就有個盒俾我，
到時要帶埋去醫院俾醫生收集臍帶血喎，
我個走佬篋又多一樣野喇！



今日另一收穫，
就係響沙田買左Aqueous Cream BP，
其實好多藥房都有呢隻cream賣，
不過我想買Adams Healthcare呢隻牌子，
所以搵左好耐呀！

好多人recommend用Aqueous Cream BP黎幫BB沖涼同搽身，
話對皮膚好喎，
幾十蚊有500 gram，
試下都好！



<<懷孕31週的胡師奶>>

濕紙巾 by 胡師奶

今日放工去萬寧換左兩盒Huggies濕紙巾，
其實去藥房買補充裝就平D，
不過我貪佢有個膠盒呀！
第時一盒放響我間房，
一盒放響廳，
夠晒方便喇！

洗衫 ^o^ by 胡師奶

小寶，
今日媽咪好乖，幫你洗左衫呀，
仲有洗左手套、腳套、帽仔添呀！
本來媽咪想再洗多D，
但係驚唔夠位晾，
唯有下個禮拜再洗啦！

第30週 by 胡師奶

今朝去做產檢，
因為大寶daddy要返學，
所以得我一個人去咋！

醫生一照ultrasoud就話小寶已經轉左頭，
好開心呀！
睇完醫生我即刻send SMS通知大寶daddy，
哈哈！

不過據聞有D bb會轉完又轉架！
喂，小寶，你唔好再轉呀！

之後我去左Jusco買野，
因為大減價，所以人山人海呀！
我買左幾件長袍、手套、腳套、帽仔&背心睡袋，
8折再8折，好抵呀！
不過我諗我應該唔駛再買初生衫仔俾小寶喇！

希望聽日趁大寶daddy返學，
我可以的起心肝幫小寶抹乾淨個櫃&洗乾淨部份衫仔啦！

小寶的第一件玩具 by 胡師奶

今日係我個supervisor阿Tim既last day，
佢聽日就飛返UK過佢既long vacation，
一月就返日本office...

臨放工前，佢拎左份禮物出黎，
話送俾我個BB，
我好surprise，好感動呀！

返到屋企拆黎睇，
原來係積木，
雖然小寶有排至識玩，
但我一定會好好keep住呢份禮物！

將來我會話俾小寶知，
呢份禮物係小寶既第一件玩具，
係from媽咪一個超級好又靚仔既老細！

羊毛底衫 by 胡師奶

好開心呀，
今日大寶daddy幫小寶買左兩件羊毛底衫喇，
件衫裡面係棉，出面係羊毛，
咁就唔怕D羊毛會整痕小寶，嘻嘻。

其實我諗香港都唔會太凍，
不過有備無患，
因為我好驚小寶會唔夠暖呀，
希望佢唔似大寶daddy咁怕凍啦！

疫苗注射 by 胡師奶

尋日大寶daddy要返學，
所以得我自己去上嬰兒護理課程。
上堂前去護協買左D"走佬袋"用品，
又買左奶樽，
財散人安樂，哈哈！

尋日課程主題係"初生嬰兒藥物及疫苗注射"，
初時以為會好悶，
但意外地竟然好interesting，
覺得獲益匪淺！

其實，我同大寶daddy之前都決定左將來除左帶小寶去健康院打針之外，
仲要同佢去私家診所/醫院打其他針，
上完呢一堂，
更加覺得有需要咁做...
雖然有D病既個案好少，
但係萬一中招就好大鑊，
都係買個安心好D！

為左小寶健康同將來，
睇黎我同大寶daddy都要努力儲錢喇！

<<我的走佬篋>>

小寶，你好！ by 胡師奶

我個醫生冇得照4D，
所以今日去左睇另一個醫生。

尋晚已經同小寶講左叫佢多多合作，
最初佢縮埋一舊，唔多見佢個樣，
但後來佢非常幫忙，
仲動作多多，醫生話佢都算活躍喎。

呢個醫生都好細心，
影左好多張4D，
佢話小寶家陣大約3磅4安士重，
size係中上，100個排79，
佢仲話如果小寶足月出世會過7磅呀...
Oh！！








P.S.第一次咁清楚見到小寶，真係好感動呀！

我的懷孕三寶 by 胡師奶

第一寶，就係呢本書...

關於pregnancy既書，我只係買左呢本咋，
因為呢本書已經有晒我要既資料，
例如懷孕期間每個月既變化， do & don't，
仲有一D懷孕既myths，
解釋得非常詳細，
解開我好多疑團，
真係幫左我好多好多呀！

第二寶，就係呢個側軟枕，

其實唔係買左好耐，
但係家陣冇左佢托住我個big tummy，
我真係唔駛眠！

Last but not least，
第三寶，
就係我個胡大寶！
多得佢分擔我D家務、壓力，
幫我抒緩懷孕期間不安既情緒，
仲有幫我massage，
任勞任怨，
真係好感激佢呀！

其實我除左呢三寶，
仲有好多好多好多寶，
好似媽媽燕窩，奶奶靚湯，
仲有親朋戚友D懷孕tips及種種關懷，
令我呢個烏sir sir既新任媽咪昂然踏入Third Trimester，
希望未來呢兩個幾月都順順利利啦！

BB車 by 胡師奶

小寶個舅父話佢送BB車俾小寶，
最初我同大寶daddy揀左部Combi，
貪佢輕嘛，
點知小寶個舅父話架BB車一定要夠大，
咁小寶至坐得舒服；
D轆又要大，仲要有坑紋，
咁就隱陣，唔怕反車喎！

Chicco有一架fit晒佢D requirements，
不過勁heavy，9kg呀！
我呢個handicapped媽咪搞唔搞得掂呢？！



Aprica呢部都ok，
不過小寶個舅父可能會話D轆太細...

都係由小寶個舅父話事啦！

充實的一天 by 胡師奶

尋日朝早又去左做產檢，
一如以往，又係好緊張！
做ultrasound時，
小寶突然踢左醫生兩下，
唔通佢想同醫生say hi ？

小寶28週大，
大約重兩磅九安士，
醫生話標準喎，
又放下今心頭大石！

做完產檢，
去左太子食野，
然後去新世紀廣場睇BB野，
不過冇收穫。

繼續向佐敦進發，
去護協睇下走佬袋D野，
不過唔知要買幾多，
最後都係兩手空空。

去完護協就去上堂，
可能因為早起身又行得多，
我同大寶daddy都有聽聽下zzzzzzz，
哈哈哈哈哈哈哈哈！

四點落堂，
我同大寶daddy就入大埔同舊同事BBQ，
玩到十一點至返到屋企！

自從有左小寶之後，
好似係第一次踩到咁盡，
雖然好疲倦，但係好開心，
尋晚亦非常好訓，
簡直係昏迷呀，哈哈！

Playpen by 胡師奶

今日lunch break走左去中環，
搵埋大寶daddy一齊去買playpen俾小寶，
張playpen係大寶daddy親自揀架！
我地俾完錢，
小寶就好大力咁踢左我幾腳，
我諗佢梗係知道daddy買野俾佢，
開心到跳舞喇！

Last Week of Second Trimester by 胡師奶

過埋今個星期就進入Third Trimester，
好緊張呀！

呢排幫小寶揀緊床仔同BB車，
又搵緊人介紹姐姐湊小寶，
仲有睇緊儲存臍帶血D資料，
好忙呀！

好多衫仔呀！ by 胡師奶

小寶，
你睇下大姑媽執左幾多衫仔俾你，
全部都係恩恩表姐架！
Daddy、媽咪真係慳番唔少呀！
多謝大姑媽 ^o^

好開心^o^ by 胡師奶

早幾晚Angela打俾我，
佢話搬屋有個嬰兒沐浴櫃唔要，
問我有冇興趣，
我梗係有啦，
之前我都有諗過買呢D櫃架！

今日去左佢屋企搬貨，
佢同佢honey忙於執野，
打擾晒真係唔好意思！
個櫃好新淨好正，
我同大寶daddy都好鍾意，
多謝Angela一家！

大肚腩 by 胡師奶

呢個禮拜個肚大左好多，
比大寶daddy個肚腩還要大，
腰骨間中都有D痛，
好彩買左個側枕，
墊住眠眠就舒服D。

仲有98日就到預產期，
努力呀！

<<@ 26 weeks>>
似唔似收埋左個大冬瓜？

Shopping by 胡師奶

呢幾日永安大減價，
我同大寶daddy終於開始買野俾小寶喇！
不過我地唔係買左好多野咋，
只係買左幾件和尚袍、長袍、包被同埋紗巾，
遲D再買啦！

1磅8安士的小寶 by 胡師奶

早兩日去睇感冒，順便做埋產檢，
小寶24週零3日，
重1磅8安士...

咁... 即係點呀？
醫生話正常喎！

照utlrasound見到小寶隻腳板同腳趾仔，
好得意！
小寶仲放隻手仔響頭後面，
好似人地晒太陽咁，
好歎呀！

打敗仗 :( by 胡師奶

小寶，

媽咪又病喇！
本來只係早晚有D咳，
點知前日開始鼻塞、喉嚨痛，
今朝仲有少少傷風添，
真係大鑊......
希望冇影響你啦！

媽咪發覺好多時daddy同你傾完偈你都會郁得好勁，
你係咪聽到daddy講野呀？
媽咪又覺得你會feel到daddy隻手，
係咪架？哈哈！！

小寶呀，
你要健健康康，
唔好好似媽咪咁潺呀！

Love，
媽咪

23週6日喇！ by 胡師奶

可能因為天氣轉涼，
呢幾日夜晚同朝早都咳，
加上唔多慣側睡，
所以近日訓得麻痳。

小寶呢幾日都郁得好勁，
有時搞到我個肚皮彈下彈下，
好搞笑！

好多時當大寶daddy放隻手響我個肚時，
小寶會郁得特別勁，
好似知道daddy搵佢咁，
好神奇呀！

家陣個肚皮開始出D紅色粒粒，
好彩唔多又唔痕咋！
不過D皮膚真係差左，
又冇得做facial，
真係慘慘慘！
仲有水腫呀，
幾時至腫完呢？！

嬰兒哺飼 by 胡師奶

今朝又去上堂，
課題係"嬰兒哺飼"，
主要都係講餵母乳D好處&方法，
仲有教點斷奶，消毒餵食用具等等，
非常有用。

其實早已想餵母乳，
加上連小寶個公公都落order話對小寶好，
所以都希望可以得。

不過放完產假就唔知點算，
始終好唔方便，
亦需要好有恆心，
真係要諗一個周全既方法至得喇！

22週... by 胡師奶

順利進入22週，yeah ^o^
小寶，繼續努力！！

過去呢個星期：

• 覺得個肚又大左，行路比以前慢&"論盡"，哈哈！
• 開始要側睡，如果唔係腰骨會痛。
• 精神ok，不過weekend下晝會好疲倦，要眠眠。
• 呢期好鍾意食橙，其他都冇乜改變，胃口ok。
• 如果feel唔到小寶游水or踢我，我會好擔心！所以批准小寶日日開P...
• 大寶daddy繼續講"龜兔賽跑"...
• 老細Tim叫我小寶一歲時就要教佢用Excel，然後幫手做野... :P

My tummy @ 21 weeks 5 days (October 4, 2007):

忙碌的星期六 by 胡師奶

今日上第二堂"孕婦產前產後護理課程"，
主題係"作產認知與準備"，
哈哈，好似好遙遠，
不過聽完都有D擔心，
我咁騰雞，
到時必定一片混亂！

落堂後去報埋另一個"嬰兒及幼兒護理課程"，
11月初開班，
可惜大寶有幾堂會因為返學而上唔到，
到時只有靠自己喇！

同大寶、媽咪飲完茶，
去左永安睇奶樽，
之後就搭車去做產檢。

醫生話上次驗血一切正常，
跟住照超聲波又見到小寶郁來郁去，
醫生話小寶冇問題，
佢仲俾小寶個樣俾我地睇，
不過我只係隱約見到佢對眼、鼻同嘴仔咋！

醫生話小寶大約一磅重，
keep住呢個進度就ok！
聽完我都鬆晒，
因為我真係好擔心小寶吸收唔到我D營養呀！

一個月後再覆診，希望到時小寶keep住咁健康啦！

20 weeks ^o^ by 胡師奶

今日胡師奶懷孕20週喇，
剛剛走到旅程既一半，
除左變左做肥師奶之外，
一切都好好！

今個禮拜小寶好乖，
尋晚連大寶daddy都feel到小寶郁，
好開心呀！
宜家我每日都盡量抽D時間播音樂俾小寶聽，
仲加插左大寶daddy既講故事時間，
不過大寶daddy只識講龜兔賽跑，
仲要係縮短版，
我諗我要去library借D故事書喇！

早幾日我又幫小寶開左e-mail account，
哈哈，呢個媽咪真無聊呀！

最後，我同大寶都好多謝陳大師幫小寶諗左好多名，
又借書俾我地睇，
雖然好複雜，我唔係好明，
但我地會努力幫小寶改個好名呀！
Thank you陳大師!

Gift from 小盈姨 by 胡師奶

今日一見到阿哥，佢就俾左份禮物俾我，
原來係小盈托阿哥個friend響日本買既禮物，
係送俾大寶daddy架，
等佢做個型daddy喎！

小盈就係送呢個袋俾大寶，但係有乜咁特別呢？

哈哈，原來個袋係可以變身俾小寶坐架，
仲有個人肉肚腩cushion俾小寶攬住，
好過癮呀！

阿哥個friend話要訂貨至有，
真係麻煩晒佢喇！
當然仲要thank you阿哥做中間人，
同埋送禮既小盈啦！

好期待大寶小寶以咁既姿態出現，
哈哈哈哈哈哈哈哈~~

小寶開P? by 胡師奶

尋晚覺得小寶郁得好勁，
搞到個肚有D痛，
輾轉難眠呀！

小寶，你搞乜咁夜都唔眠眠呢？
係唔係開party呀？
不過你唔好晚晚開呀，
媽咪冇精神返工架！

19週^o^ by 胡師奶

今日搭金鐘地鐵返屋企時，
本來冇位坐，
點知突然有個四眼哥哥讓坐俾我，
好開心，好感動呀！

尋晚臨訓時feel到肚裡面有野郁下郁下，
都郁得幾強烈，
唔知係咪小寶呢？

家陣得閒都會播D音樂俾小寶聽，
又會叫大寶daddy同小寶傾偈，
不過大寶daddy好懶，
晚晚講同一樣野，
激死我呀！

不過可能我又變態左D，
因為我連冇廁所水都要大寶daddy話俾小寶知，
哈哈哈哈哈！

開始為將間書房變做睡房而頭痕，
實在係mission impossible喇，
不過都要諗，
小寶你幫手諗諗啦！！

To 小寶 by 胡師奶

Dear 小寶，

你好嘛？響度做緊乜呢？呢幾日媽咪間中都覺得肚仔裡面有D野郁，係咪你呀？不過人地話冇咁早feel到，可能係媽咪搞錯左，哈哈！

媽咪星期一去左醫院留位交按金喇，比deadline早左7個星期呀！你知唔知呀，你婆婆同阿姨都好緊張，成日叫我快D俾按金呀，所以我都早D搞掂，費事真係冇位就煩喇！

仲有好消息要話你知呀，就係你有兩個契媽呀！一個係LuLu契媽，另一個係小莉莉契媽。除此之外，FunFun姨姨又應承做你個代母，媽咪真係好開心呀，因為呢三位姨姨都係媽咪既好朋友，好姊妹呀！

遲D等你出左世，媽咪介紹個哥哥俾你識啦，佢爸爸話要幫佢個仔報名做你個男朋友仔喎，哈哈，係咪好搞笑呢？

媽咪已經開始幫你諗名喇，不過你daddy成日話唔駛咁早喎。其實英文名都諗好，但要等你daddy批准law，我諗你daddy要等你出左世至決定喇！

媽咪要睇電視喇，你要乖乖地呀！媽咪錫晒你！

Love,
媽咪

小寶性別之謎 by 胡師奶

尋日又去做產檢，
做超聲波時醫生話小寶進度正常，
佢話宜家開始唔可以齋度小寶身長，
而要睇多D野，for example，頭圍...

醫生show左小寶條脊椎骨&大腿骨俾我地睇，
仲有佢D手手腳腳，
本來小寶係握實拳頭，
搞到我地數唔到佢D手指，
但隔左一陣之後佢就攤開手板俾我地數，
非常合作 。

不過醫生話小寶做緊高難度動作，
扭埋一舊，
加上小寶仲細，
下次覆診先可以詳細D睇埋佢個樣&其他器官，
希望一切ok啦！

今次醫生仲解開左小寶性別之謎，
哈哈，
一如所料，係女仔呀！
其實我同大寶都覺得男仔女仔都冇所謂，
最緊要健康呀！

圖片一: 呢幅相好矇，但醫生話小寶係女仔喎，哈哈！


圖片二: 小寶的頭頂，大唔大呀？

十六週 by 胡師奶

十六週喇！
肥左，肚腩大大，真係有D大肚婆feel！

今日搭地鐵，我冇位坐，
有個女仔坐響度玩NDS，
佢望下我個肚，望下我，然後垂低頭繼續玩，
隔幾秒又重覆望下，但望完又繼續玩，
其實唔知佢做乜，
可能佢諗緊我係肥定係大肚啦！
(答案係又肥又大肚......)

收到護協封信，
我地9月底會去上"孕婦產前產後護理課程"，
好期待呀！！！

趁我仲記得，
要多謝JJ嫂送咁多衫俾我，
真係慳返唔少！
仲有多謝小妹個friend，
我唔識佢，不過佢過左好多料俾我，
又有野益我，thank you！

忙碌的一天 by 胡師奶

尋日過左一個忙碌又充實既星期六。


一早就去做產檢，
今次唔駛等好耐就到我，實在太好喇！
大寶多口問醫生知係男定女未，
醫生話咁細未必睇到，
但佢都好努力去尋找答案。
可惜小寶故意賣關子，
舉起兩隻腳仔遮住重要部位，
哈哈哈哈哈哈哈哈！


做完產檢就去食野，跟住就去配眼鏡，
配完就去BB展。

BB展好多人，用左45分鐘排隊買飛，
不過好彩入到會展至排隊，
有冷氣都冇乜所謂。


因為可以入好多BB會/媽咪會，
而我地又冇print定label，
所以我就不定罰抄自己個名、地址、電話、email & 預產期，
D字潦到不得了，
真懷疑佢地知唔知我寫乜。


因為距離小寶出世實在太遙遠，
所以都係睇野&換試用裝，
不過見D人都買幾多野，
可能真係比較平啦！


行完BB展已經4點幾，
食個tea就同媽咪去買衫，
好彩今年多鬆身衫咋，
可以唔駛買大肚衫住。


就係咁，搞到天黑至返屋企，
出奇地又唔覺太辛苦，
真好！

~8月4日的小寶~

安樂晒 by 胡師奶

今日下晝去威爾斯做OSCAR，即係早孕期一站式唐氏綜合症篩查，好緊張。
三點鐘去到，唔算太多人，等左一陣就抽血喇。
抽完血等做超聲波度頸皮，一等等左成個鐘，
好彩有靚媽陪住咋！

小寶比上星期大左小小，
醫生show佢隻手仔腳仔俾我地睇，
仲俾我地聽左心跳聲添。

等左一陣就有result，超緊張呀！
個護士響度講解，
但我對眼只係望住檯面上份report，睇緊小寶患唐氏綜合症個比率...

好彩，護士話係低風險！
雖然唔係100%準確，不過都安樂晒lu。

三個月喇 by 胡師奶

今日小寶三個月大喇，
好開心呀！

個肚又巨左，好多褲都窄喇，
好彩有爸爸，
即刻叫佢響廠度拎褲俾我，
哈哈，又慳番筆！

星期一下晝要做OSCAR test，
小寶你咪嚇媽媽呀，
你媽媽驚青，唔嚇得架！！

活躍的小寶 by 胡師奶

今日又去睇醫生，
唔知點解，咳極都唔斷尾，
半夜成日咳醒，好辛苦呀！


醫生話個肺同喉嚨都ok，
試下轉第二隻藥水睇下會唔會好轉，
大寶又洗下冷氣機個隔塵網，
希望有幫助啦！


因為怕咳左咁耐會影響小寶，所以都照照超聲波。
醫生話小寶好活躍，不停咁郁，
佢仲舉起手仔同我地打招呼呀！


見到小寶又大左，我都冇咁擔心，
希望自己快D好番，小寶繼續健康成長啦！

咳咳咳咳咳 by 胡師奶

最兩日發燒，今朝就咳到死，
好辛苦呀！

自己辛苦都算，最怕會影響小寶...

小寶，你千祈咪好似媽咪咁弱呀！

檢查 by 胡師奶

尋日又去做檢查，一如以往，超緊張！！
好彩一切順利，小寶明顯地大粒左，好開心。
預產期遲左3日，變左做2月9日，
嘩，大年初三呀，哈哈！

9週了！ by 胡師奶

終於到第9週喇！
唔知點解，人地大肚好快就生得，
但自己就好似慢吞吞咁...

呢排好易倦，又成日有D反胃，
不過都仲頂得順。

尋日發現teammate又係大肚，
不過佢已經20週喇！
希望大家個bb都健健康康啦 ^o^

病了 by 胡師奶

星期四朝早有D肚痛，以為冇事，照常返工，
點知返到公司依然係咁痛，仲有D反胃想嘔。
終於頂唔順要請假睇醫生。

醫生話腸胃炎，要休息多D。
有D擔心，因為自己身體唔好會影響胡小寶嘛！

小寶，你一定要身體健康，咪好似媽咪咁水皮呀！

儍爸爸 by 胡師奶

響日本淺草坐船時，

儍爸爸話要影小寶喎，

哈哈...