小寶性別之謎 by 胡師奶

尋日又去做產檢，
做超聲波時醫生話小寶進度正常，
佢話宜家開始唔可以齋度小寶身長，
而要睇多D野，for example，頭圍...

醫生show左小寶條脊椎骨&大腿骨俾我地睇，
仲有佢D手手腳腳，
本來小寶係握實拳頭，
搞到我地數唔到佢D手指，
但隔左一陣之後佢就攤開手板俾我地數，
非常合作 。

不過醫生話小寶做緊高難度動作，
扭埋一舊，
加上小寶仲細，
下次覆診先可以詳細D睇埋佢個樣&其他器官，
希望一切ok啦！

今次醫生仲解開左小寶性別之謎，
哈哈，
一如所料，係女仔呀！
其實我同大寶都覺得男仔女仔都冇所謂，
最緊要健康呀！

圖片一: 呢幅相好矇，但醫生話小寶係女仔喎，哈哈！


圖片二: 小寶的頭頂，大唔大呀？