活躍的小寶 by 胡師奶

今日又去睇醫生，
唔知點解，咳極都唔斷尾，
半夜成日咳醒，好辛苦呀！


醫生話個肺同喉嚨都ok，
試下轉第二隻藥水睇下會唔會好轉，
大寶又洗下冷氣機個隔塵網，
希望有幫助啦！


因為怕咳左咁耐會影響小寶，所以都照照超聲波。
醫生話小寶好活躍，不停咁郁，
佢仲舉起手仔同我地打招呼呀！


見到小寶又大左，我都冇咁擔心，
希望自己快D好番，小寶繼續健康成長啦！