忙碌的星期六 by 胡師奶

今日上第二堂"孕婦產前產後護理課程"，
主題係"作產認知與準備"，
哈哈，好似好遙遠，
不過聽完都有D擔心，
我咁騰雞，
到時必定一片混亂！

落堂後去報埋另一個"嬰兒及幼兒護理課程"，
11月初開班，
可惜大寶有幾堂會因為返學而上唔到，
到時只有靠自己喇！

同大寶、媽咪飲完茶，
去左永安睇奶樽，
之後就搭車去做產檢。

醫生話上次驗血一切正常，
跟住照超聲波又見到小寶郁來郁去，
醫生話小寶冇問題，
佢仲俾小寶個樣俾我地睇，
不過我只係隱約見到佢對眼、鼻同嘴仔咋！

醫生話小寶大約一磅重，
keep住呢個進度就ok！
聽完我都鬆晒，
因為我真係好擔心小寶吸收唔到我D營養呀！

一個月後再覆診，希望到時小寶keep住咁健康啦！