我的母校 by 胡師奶

今日係高考放榜，
本來唔關我事，
但竟然俾我發現當中有位5A生係黎自我間母校，
第一個反應係難以置信，
但之後就覺得好興奮！

我響呢間母校由K2讀起，
直至Form 6 1st term，
我既人生好多美好同難忘既回憶都係響呢間學校發生，
所以雖然佢唔係一間名校，
但係我一直好鍾意母校，
甚至會考慮幫小寶報考添！

近呢幾年聽聞母校D出品質素下降，
聽到都有D唔開心，
所以知道今日有師妹為母校爭光，
真係好高興，
我諗呢份係送俾母校60週年既一份大禮物！

<<小寶: 我都要俾心機讀書！>>