又一里程碑 by 胡師奶

尋晚我同小寶玩，
佢都未識轉身，
每次都要我幫佢至轉到，
不過佢好鍾意咁玩，
轉左好多次，
次次轉左身都會騎騎笑。

唔知係咪尋晚玩得多，
佢今日竟然識得自己轉身，
姐姐興奮到打電話講呢個消息俾我聽。

放工返到屋企即刻等小寶表演，
等左好耐佢至肯轉咋！
不過佢轉完就想爬，
爬唔到又發晒脾四，
所以預料未來日子小寶既怪叫次數會上升呀！

<<小寶示範一邊吮手指一邊轉身>>