嬰兒按摩班 by 胡師奶

尋日同daddy & 小寶一齊去佐敦上嬰兒按摩班，
由於只得一堂，
所以唔會expect太多，
志在學下D基本動作同埋俾小寶見多D BB。

上堂既BB由兩個月大到六個月大，
小寶一見到D靚仔BB已經目不轉睛咁望識人地，
果然係女生外向呀！

影完大合照同聽左導師既brief introduction & theory之後就開始同BB按摩，
導師仲搵左小寶做示範做第一個動作添！
起初小寶都認人唔多鍾意，
但導師身經百戰，
好快已經"搞掂"胡小寶喇！

不過一如我所料，
小寶係冇耐性去任我地"舞"既，
玩左一陣佢已經要自己轉身、吮手指同扭眼訓，
唯一最合作就係同佢按背脊，
因為佢可以趴響度嘛！

好快就上完呢堂，
雖然唔算學到太多野，
但好開心可以同daddy&小寶玩，
又見到其他可愛既BB，
都算係一個愉快既經驗！

~同學仔大合照~


~小寶同導師玩得好開心~



~小寶"R"晒頭: 咦？daddy，佢係邊位呀？~


~小寶: 媽咪，你得唔得架？！~


~小寶: 好舒服！~


~小寶: 腳底按摩，正呀！~


~小寶: 多做運動身體好！~