大埔遊 by 胡師奶

尋日我地同康康一家又一齊出動，
目的地就係大埔喇！

我已經N年冇入大埔，
原來由觀塘搭巴士半個鐘就到，
都好快喎！

第一站就係鐵路博物館，
一如以往，
到達時小寶係眠眠中，
小康康都係一樣呀！

我印象中好似見過但未坐過呢D舊式火車，
所以對於我黎講都幾得意。
果度地方唔大，
不過都值得去影下相懷舊一番！

小寶最鍾意路軌裏面D石，
成日都拎住唔放，
小寶，媽咪唔想因為偷石俾人警察拉呀~~


第二站就係去海濱公園，
沿住單車徑行二十分鐘左右就到。
沿途見到好多人踩單車，
大家既"老人院時間"又到，
講返讀書時由沙田踩單車入大尾篤...
不過我係冇野講，
因為我好少踩單車，
同埋我好似冇試過踩到咁遠，哈哈！

去到海濱公園，
好大、好靚，
好多一家大細響草坡上野餐同放風箏，
當然唔少得D情侶影婚紗相啦！

我最欣賞公園D花，
真係好靚呀~~
小寶當然一落地就失控啦！
不過因為人多同埋有D地方都濕濕地，
所以都冇乜機會俾佢行，
下次先啦！

如果唔係小寶，
我諗我會錯過左好多香港既靚地方，
希望到小寶長大後香港依然咁靚或者更靚就好喇！

馬灣公園 by 胡師奶

一直好想帶小寶去馬灣公園，
尋日終於成行！
除左我同daddy之外，
同行既仲有Vicky、小寶既公公、婆婆、EE and Gary，
真係七星伴月呀！

我地響葵芳食完lunch就搭車入馬灣，
全車滿座，
好多人呀！

入到馬灣，
主角小寶竟然眠眠！
我地唯有四處逛逛等小寶醒啦！


可能因為係假日，
所以沿途都有好多人。
不過我好鍾意呢處地方，
因為空氣好好，
感覺好休閒，
有D返到加拿大既感覺。

小寶快叉左半個鐘就醒左，
我地就帶佢去沙灘玩沙~~
起初小寶踩落D沙都有D不知所措，
好似唔識行咁，
不過warm up完之後就冇事，
仲玩沙沙添！










玩完沙沙我地就行去公園玩，
公園有好多人，
仲有情侶影婚紗相添！
八卦既小寶眼定定望住人地影相，
唔通佢又想影？

我地響公園逗留左一陣就走喇，
不過我諗遲D挪亞方舟open to public時會再帶小寶去玩，
因為我真係幾鍾意呢度，

真係有衝動想搬入去住呀！

兒童節@香港動植物公園 by 胡師奶

四月四日兒童節，
我地同小康康一家一齊去香港動植物公園玩，
我已經N年冇去過喇，
可以話係印象模糊呀！

我地由金鐘行上去，
有斜路又有石級，
小寶加埋佢架"私家車"有成40磅重，
真係幾辛苦架！

去到公園第一件事就係要休息一下，
我地放左小寶落地，
不過佢起初有D怯，
只係黐住daddy唔敢行。


隔左一陣，
小寶終於肯行，
因為佢發現有"獵物"，
就係小康康D玩具喇！




小寶拎住小康康D玩具好興奮咁四處行，
好似唔識停咁，
最搞笑係佢唔會理我地行去邊，
佢有佢自己行，
真係好似甩繩馬騮咁呀！

雖然小寶好明顯地係對小康康D玩具既興趣係大過D動物，
不過有時佢都會靜靜咁睇下，
可能佢會諗，
點解呢個玩具咁大既？






睇完動物，
又係bubbles time喇~~




之後我地去左睇花花，
個草地同D花都好靚，
可惜小寶唔肯乖乖地停低影相，
繼續好似上鍊公仔咁不停行、行、行...








上鍊公仔終於都冇電要休息喇，
我地亦打道回府喇！
見到小寶玩得咁開心，
相信佢都好滿意呢個安排呀！