尋日人日係同婆婆果邊D親戚團拜既日子，
媽咪話一如以往，
都係去白石BBQ。
媽咪之前兩年分別因為去旅行同坐月而缺席，
所以佢話好期待呀！
公公一向唔鍾意BBQ，
以往佢通常露一露面就走，
今年佢為左幫手湊我而撐足全場，
仲借架車俾我做換片區，
真係非常感激！
(嘻嘻，我都好合作，冇poo poo整臭公公架車呀！)
我今日以第二個新年造型亮相，
公公婆婆都未見過架！
佢地個個都讚不絕口，
表姨媽仲叫我鬼妹呀，哈哈！
雖然我冇份BBQ，
但舅母買左星星餅俾我食，
細表舅父又吹肥皂泡俾我睇，
所以我都好開心呀！
玩足一日，
daddy、媽咪同我都超累，
媽咪醒目地放假放埋今日，
可憐既daddy今朝要帶住疲累既身軀返工，
希望daddy今日唔好有太多會開啦！
沒有留言:
發佈留言