尋日我地同小寶安排左好多節目呀~~
首先就係去游水,
我地響呢度住左4年,
第一次去clubhouse個泳池咋!
小寶又係有D眼訓,
所以"吽吽"地,
不過佢唔怕水,
仲無端端自己浸個頭落水添呀,
哈哈!
游完水返屋企已經差唔多一點,
即刻叫姐姐幫小寶沖澡同餵佢食糊仔,
之後小寶就搵周公喇!
訓左一陣小寶就醒喇!
見到公公婆婆黎左,
就同佢地玩。
之後我地帶小寶去clubhouse個遊戲室,
會合小寶個表叔表嬸同康康表哥,
小寶同康康表哥玩得好開心呀,
兩個仲傾偈添!
公公話佢地講"嬰語",
哈哈,又幾貼切喎!
玩完已經三點幾,
諗住小寶飲完奶會眠眠,
點知佢又掛住玩...
五點幾我地就出發去太子食飯,
小寶一上地鐵就眠眠喇,
一直去到酒樓!
到左七點幾我整醒小寶餵佢食糊仔,
佢又同公公婆婆、盈EE、Gary哥哥、舅父舅母同舅公舅婆玩,
不過可能小寶眼訓,
酒樓又嘈,
玩左一陣佢就扭計喇!
公公未見過佢喊得咁淒涼,
擔心佢唔舒服,
哈哈,小寶終於將佢最醜一面見人喇!
食完晚飯返屋企途中,
竟然撞見隔離屋Aiki BB一家,
小寶見到Aiki 姐姐都好開心呀,
不過都唔及返到屋企,
成個生猛晒,
反而係我呢個懶媽媽嗌好倦呀,
哈哈哈哈~
2008年8月31日星期日
禮拜六有節目 by 胡師奶
訂閱:
發佈留言 (Atom)
沒有留言:
發佈留言