忙碌的一天！ by 胡師奶

今朝一早我同大寶daddy帶小寶去公公婆婆屋企，
因為我地約左盈EE游水呀！
今次係小寶第一次去泳池玩，
我都擔心佢會驚，
好彩佢都冇怕，
玩左差唔多一個鐘就走喇！






小寶玩完好倦，
未去到機鐵站已經眠眠喇！



我地下一場係同我Joanna一家響奧海城飲茶，
幾個月冇見我個契女仟仟，
佢又大個女左喇，
佢同以前一樣咁活潑開朗同口才依然了得，
可惜小寶全程眠眠，
如果唔係佢就可以同仟仟姐姐玩下喇！
Joanna又執左一大袋衫仔俾我，
仲有磨研組合、鞋仔、餅仔...
收穫豐富呀！

返屋企時撞見隔離屋位太太，
佢個女9個月大喇，
佢仲突然帶個女過黎，
小寶見到姐姐好happy，
仲興奮到想撲去攬住人呀！
我地話第時約埋一齊玩，
等小寶多一位朋友仔呀！

今日雖然好倦，
但見到小寶咁開心，
倦都值得呀！