7個月大的小寶 by 胡師奶

轉眼小寶已經7個月大喇，

睇住佢日日長大，

每日帶俾我地好多歡笑同驚喜，

真係好開心！

小寶一直都好生性，

由我陀佢、到佢出世、到宜家7個月，

一直都唔太辛苦，

公公婆婆成日話佢易湊，

我都覺得係呀！

7個月大既小寶有呢D喜好同討厭既事:

喜好:

- 企

- 巡視業務(即係要你抱住佢通屋行)

- 怪叫(尤其扭眼訓時，好討厭！)

- 將書、雜誌"拆骨"

- 聽人講野(即係"八")

- 洗白白

- 去街街

- 食星星餅

- 聽歌(包括我唱果D... 多謝小寶！)

討厭:

- 獨自一人(尤其知道你地成班大人響度唔理佢)

- 清潔鼻孔(基本上一見支吸鼻就開始掙扎)

- 熱

- 嘈(尤其佢要眠眠...)

小寶，無論你係點，我都錫晒你！