四個月大 by 胡師奶

今日小寶已經四個月零兩日大喇，
除左個身越來越長，
個頭越來越大，
體重不斷增加之外，
佢既性格、喜好亦開始浮現，
越黎越有自己既個性，
唔只係一個BB咁簡單。

每晚我放工返黎，
Vicky姐都會好詳細咁話番俾我聽當日小寶做過D乜，
每次Vicky姐姐都會講到手舞足蹈，好搞笑！

小寶好鍾意Vicky姐姐，
成日會對住佢笑，
起初我都有D妒忌架，
不過諗深一層，
小寶鍾意姐姐，
代表姐姐對佢好，
咁我應該放心同開心喇！

<<初生的小寶 - 婆婆話個樣好女仔，好斯文>>

<<一個月大的小寶 - 眼細細，成日嘟咀，鍾意眠眠>>

<<兩個月大的小寶 - 開始眼仔碌碌，鍾意聽人講野，八八卦卦，係典型既八婆仔>>

<<三個月大的小寶 - 男仔頭一名，身型開始暴脹，甩頭髮... (咦，咁似形容D中年阿伯！)>>

<<四個月大的小寶 - 鍾意去街街，開始認人喇！>>

下水禮 by 胡師奶

早排買左個箍頸既水泡俾小寶，
今日終於有機會試用，
試用既地點就係屋企個私家泳池，
即係浴缸喇！

小寶第一次"游水"，
初時都好擔心佢會驚，
好彩佢不但冇驚，
仲不停用腳撐下撐下，
好似真係游水咁，
我估佢幾enjoy架！

可惜呢個係一個幾浪費食水既活動，
所以唔可以經常俾小寶玩，
期待小寶再大D，
咁我地就可以帶佢去真真正正既泳池游水喇！

小寶沖澡記 by 胡師奶

今晚daddy放工去聽seminar，會夜D返，
所以就由我同姐姐幫小寶洗白白。
由於之前都試過，
所以我都冇擔心話搞唔掂。

平時小寶沖澡會不停踢水，
搞到周圍濕晒，
但係佢今日佢好乖，
靜靜地俾我地幫佢洗頭沖澡。
正當我讚小寶乖，話要講俾daddy聽之際，
姐姐突然話小寶pee pee...
冇錯，小寶係一邊沖澡一邊小便！！

由於事件太突然，
起初我都唔知點算好，
隔左幾秒之後至識得抱起小寶，
然後叫姐姐換過D水再沖過。

正當我抱住小寶等姐姐放水，
小寶又突然大喊，
原來呢個膽小鬼俾D水聲嚇親，
搞到我同姐姐響個狹窄既washroom裡面雞手鴨腳，
幾經辛苦至幫小寶沖完澡。

估唔到幫小寶沖澡會搞到自己滿頭大汗，
原來，
暴風雨前夕真係會特別寧靜架！

BBBBBBBBBBBBBBBBBBBBBBBBB by 胡師奶

今日帶小寶去左BK gathering，
見到廿幾個同小寶同年同月出世既BB，
場面真係好熱鬧好壯觀，
有D返回醫院餵奶房既感覺。

我都有趁機會同其他媽咪交流下，
仲同早小寶一日出世既同院BB相認，
BB個媽咪又同我同一間U，同faculty & specialization，
真係好巧合呀！

個個BB仔BB女都好得意，
抬頭比賽又好搞笑，
D BB抬頭抬得又高又耐，
小寶真係要加把勁喇！

小寶今日亦獲得佢人生第一個獎，
就係被投票選為"我最喜愛BB女"喇。
其實係有5個BB女一樣票數，
不過我好幸運地猜包剪泵贏左，哈哈！
我好開心因為原來響其他人眼中小寶都係令人喜愛既，
真係多謝佢地神聖既一票呀！

玩到差唔多5點鐘我地就走喇，
我同daddy、小寶都好倦呀，
不過我地好感激有份organize呢次gathering既家長，
真係搞得好好呀！
期待7月底更大型既gathering再同各位BB見面！

學乜野？ by 胡師奶

早幾日同daddy&小寶路經一間琴行，
當時小寶正在眠眠中，
daddy話入去望望，
睇下小寶對音樂有冇反應喎。

我地一入到琴行小寶就醒左，
響stroller度周圍望，
daddy話小寶可能對鋼琴有興趣，
不過我話佢係俾D琴聲嘈醒就真！

daddy話第時俾小寶學彈琴，
但係我prefer拉Cello或者吹Saxophone，
因為呢兩樣都係我曾經想學但又冇學既樂器，
哈哈！
不過講乜都假，
最緊要小寶有興趣又或者有天份。

講開學野，
諗起小寶個公公響我細過時講過，
我地三兄妹一定要識游水、踩單車同埋駕車。

雖然唔知點解一定要識，
但既然小寶係我個女，
我都希望佢好似我咁識齊呢三樣野，
至於點解，
小寶自己去問公公啦！

<<媽咪，我可唔可以學玩PS2呀？>>

母親節快樂！ by 胡小寶

今日係我第一次同媽咪慶祝母親節，
Daddy媽咪早幾日已決定去西貢行下，
點知今朝公公、婆婆同盈EE話一齊去，
梗係好啦，有車車坐，
又有盈EE幫我地影全家幅，
very good呀！

我今日呢個look得唔得呀？


坐公公車車，好舒服！


我地去左一間地中海餐廳食lunch，
間餐廳係daddy早幾日揀既，
媽咪話yummy yummy，
俾daddy一百分呀！

食完lunch就行去西貢碼頭散步，
盈EE偷影左呢張"背影"相，
媽咪話好like...


到此一遊...


Daddy同公公食富豪軟雪糕，
盈EE話到我大左可能冇晒富豪雪糕車喇，
所以要影相留念！


全家幅黎喇...
不過好明顯我係好唔合作！



公公逗我玩，不過我真係好眼訓呀！
(媽咪話好鍾意公公響呢張相既表情呀！)


準備返屋企喇，
兩架戰車大合照！
咦，公公你架戰車大過我架戰車喎...
我可唔可以同你交換呀？

Alexis' Breakfast by 胡師奶

This video was shot this morning while Alexis was enjoying her "breakfast".
Enjoy!!

Happy 100 Days by 胡師奶

Dear Alexis,

Tiny feet, little ears,
you are always lovable, adorable and huggable!

May God bless your life with love.

Happy 100 Days ^o^

Love,
Mom

抬頭訓練 - 失敗篇 by 胡師奶

小寶的抬頭訓練...

一放小寶響床，佢就掛住啜手指...

終於啜完，開始準備...

試位...

咦，原來趴響度都好舒服...

zzzzzzzzzzzzzz