今日係我同大寶daddy既五週年結婚紀念日,
今年既慶祝節目係去東涌坐纜車!
其實我有D畏高架,
不過學柴九話齋,
人生有幾多個十年,
坐就坐啦!
去程我坐定定郁都唔敢郁,
小寶就超興奮,
不停響車廂裏面行來行去,
我覺得小寶好似嘲笑我呀,
哈哈!
去到昂坪市集,
其實真係冇乜野行,
行到去大佛又冇本事行上去,
再去到寶蓮寺,
都係入去行過圈就回頭,
所以響昂坪只係逗留左兩個鐘左右就走人。
回程坐纜車比較多人,
排排下隊有個外籍女人問可唔可以影小寶,
哈哈,梗係可以啦!
回程時我已經冇咁驚喇,
不過都係唔可以好似小寶咁響車廂裏面行來行去,
佢仲撩同車既叔叔玩,
真係冇時停呀!
見到小寶玩得咁開心,
我都覺得好滿足呀!
2009年6月6日星期六
Our 5th wedding anniversary by 胡師奶
訂閱:
發佈留言 (Atom)
1 則留言:
我都未帶仟仟搭過360呀!
發佈留言