Our 5th wedding anniversary by 胡師奶

今日係我同大寶daddy既五週年結婚紀念日，
今年既慶祝節目係去東涌坐纜車！
其實我有D畏高架，
不過學柴九話齋，
人生有幾多個十年，
坐就坐啦！

去程我坐定定郁都唔敢郁，
小寶就超興奮，
不停響車廂裏面行來行去，
我覺得小寶好似嘲笑我呀，
哈哈！

去到昂坪市集，
其實真係冇乜野行，
行到去大佛又冇本事行上去，
再去到寶蓮寺，
都係入去行過圈就回頭，
所以響昂坪只係逗留左兩個鐘左右就走人。

回程坐纜車比較多人，
排排下隊有個外籍女人問可唔可以影小寶，
哈哈，梗係可以啦！

回程時我已經冇咁驚喇，
不過都係唔可以好似小寶咁響車廂裏面行來行去，
佢仲撩同車既叔叔玩，
真係冇時停呀！

見到小寶玩得咁開心，
我都覺得好滿足呀！