開心星期六@沙田 by 胡師奶

何公子買左部靚靚相機，
梗係要搵佢幫小寶影下相啦，
所以我地尋日約埋小寶個男友仔朗朗一齊去沙田玩，
朗朗個表妹琳琳都有黎呀！

小寶一見到朗朗就好興奮想"索油"，
搞到朗朗有D驚要搵爸爸呀~~
小寶，你係女仔黎架，
斯文D啦！



去到Snoopy's World，
見到小琳琳，
小寶又好開心，
因為小琳琳架車車有玩具玩架！




小寶響Snoopy's World又係不停咁周圍行，
其實佢全日只係訓左20分鐘，
應該係好倦要眠眠架！







玩左個幾鐘，
見小寶D步伐有D唔穩，
我同daddy決定夾硬抱佢上車仔，
佢都有扭計，
不過好快就去左搵周公喇！

唔止小寶倦，
我都一樣呀！
所以我地10點已經眠眠，
daddy竟然可以打機打到零晨1點，
勁呀！