Sunday morning @清水灣 by 胡師奶

今朝帶左小寶去清水灣玩，
原來由我地屋企去係非常快捷方便，
好快就到。

由於時間尚早，
沙灘唔係太多人，
今日天氣又唔太熱，
非常舒服！

小寶初初企響D沙度都唔敢點郁，
點知隔左一陣佢就玩得好開心，
帶佢去玩水佢仲鍾意，
越行越出，
搞到我都有D驚呀！

小寶玩到全身都有沙，
褲同尿片都濕晒，
好彩有帶衫替換咋！
下次去一定要幫小寶換泳衣同游水用尿片，
等佢玩得盡情D呀~~

大作戰 by 胡師奶

前兩晚開始幫小寶戒啜手指，
雖然未完全成功，
但佢啜手指既次數已經少左好多，
希望佢早日可以戒除呢個習慣啦！

小寶的新玩意 by 胡師奶

我既惡夢終於黎到~~



P.S. video既笑聲係姐姐既...點解佢會咁開心呢？！

山頂行 by 胡師奶

今日帶小寶去上頂行下，
一如以往，
小寶一去到戶外地方就無比興奮，
唔俾抱、唔俾拖、唔肯坐車，
我同daddy唯有繼續做G4，
貼身保護呢位重要人物。

我同daddy行到又熱又累，
但小寶依然充滿力量不停行，
究竟係小寶太開心唔識累，
定係我地老呢？

巧合地竟然遇見playgroup既同學仔，
同學仔既mommy話alexis條辮仔唔同左，
而我亦好老實咁話佢聽因為姐姐放假...
哈哈！









臨走時又見到舊同學Angela同佢家人，
Daniel仔好可愛，
但點解Daniel仔無端端將佢手上張紙仔放響小寶頭頂？
原來佢聽到我地話小寶熱，
所以就用張紙當帽幫小寶遮太陽呀！
實在太窩心、太體貼喇~~~
阿女，搵老公要搵呢D呀！！

小寶的好多個第一次~~ by 胡師奶

今日，
小寶第一次著校服裙同playgroup既同學仔影class photo；
第一次搭西鐵(我同daddy都係...)；
第一次入元朗；
第一次見我既舊同學Wendy、Joyce，仲有Wendy個BB女小吉；
第一次響人地屋企poo poo；
第一次同小狗玩...

開心星期六@沙田 by 胡師奶

何公子買左部靚靚相機，
梗係要搵佢幫小寶影下相啦，
所以我地尋日約埋小寶個男友仔朗朗一齊去沙田玩，
朗朗個表妹琳琳都有黎呀！

小寶一見到朗朗就好興奮想"索油"，
搞到朗朗有D驚要搵爸爸呀~~
小寶，你係女仔黎架，
斯文D啦！



去到Snoopy's World，
見到小琳琳，
小寶又好開心，
因為小琳琳架車車有玩具玩架！




小寶響Snoopy's World又係不停咁周圍行，
其實佢全日只係訓左20分鐘，
應該係好倦要眠眠架！







玩左個幾鐘，
見小寶D步伐有D唔穩，
我同daddy決定夾硬抱佢上車仔，
佢都有扭計，
不過好快就去左搵周公喇！

唔止小寶倦，
我都一樣呀！
所以我地10點已經眠眠，
daddy竟然可以打機打到零晨1點，
勁呀！

九龍寨城公園 by 胡師奶

今日本來約左小寶既康康表哥一家去海下灣玩，
點知臨上巴士時婆婆打黎話西貢有幾車相撞，
為左避免塞車浪費時間，
我地決定改去九龍寨城公園。

我地約左響公園等，
小寶一見康康表哥黎到，
就好興奮去迎接... 康康表哥D玩具...


其實小寶都好鍾意康康表哥，
有時都會主動走去搵表哥仔，
不過好多時都會嚇親人，
我諗康康表哥未見過咁舉止粗魯既女仔呀！


終於有一分鐘安靜...


但下分鐘又...
突然有D覺得佢似則卷小雲...


如果你問小寶最鍾意公園邊部份，
佢應該會答你係呢度...

小寶真係好有心機鑽研呢塊"東南西北"牌，
簡直係唔捨得走！
唔同小寶feel到公公響同一時間另一地方，
正在努力鑽研梗"東南西北"(另加萬子、筒子、索子共144隻)？

康康表哥好快就眠眠，
小寶依然努力發揮小寶力量，
行行行行行！





終於小寶冇晒電要眠眠喇！
突然又有一位途人問呢兩位小朋友係唔係孖仔...
oh no~~
小寶係女仔黎架！

佢地已經係第三次俾人問係唔係twins，
唔知仲會唔會有第四次呢？！