今年係小寶第一年出去拜年,
為左令各位俾利是俾得開開心心,
我呢個形像指導響一個月前已經為小寶準備,
希望幫小寶化身成一個人見人愛、車見車載既小天使呀!
因為想俾大家一個驚喜,
所以連大寶daddy都係前一晚至知我搞乜,
哈哈!
想唔想知小寶個初一look係點呢?
睇下啦~~
<<變身前 - 小寶換完片片唔肯著褲,想我同佢"開年"?>>
<<半變身 - 收利是時間>>
<<75%變身 - 加件褸仔同小手袋,再著對新鞋仔>>
<<全變身 - 變成攣毛小公主,連小寶自己都拍手叫好!>>
小寶呢個新春造型,
連最嚴謹既小寶婆婆同盈EE都讚不絕口,
盈EE仲話有100分添呀!
聽到D親戚甚至街上既人都讚小寶cutie,
又話佢好似公仔咁得意,
真係好開心,
我諗呢個係我新年最大既禮物呀!
P.S.小寶既利是收入,將不會扣除任何開支,全數撥入佢名下既"小寶基金"。
2009年1月27日星期二
小寶的新春造型 by 胡師奶
訂閱:
發佈留言 (Atom)
沒有留言:
發佈留言