為左慶祝小寶既一歲生日,
我同大寶daddy一早出發,
帶小寶去Cyberport既Wise-Kids Playroom玩。
Cyberport對我地黎講真係好遠好遠,
我除左公司training逼於無奈要入去之外,
基本上我係完全唔想去。
不過同事話個Playroom幾適合小寶玩,
咁為左令小公主開心,
遠D就遠D啦!
Playroom每節90分鐘,
最後果20分鐘會group埋D小朋友一齊唱歌跳舞,
又出左戶外草地吹肥皂泡,
個個小朋友都好開心。
玩完我地就去左隔離間酒店食buffet,
順便餵小寶食粥仔。
小寶食完無耐就去左搵周公喇!
食完lunch,
小寶既公公、婆婆同盈EE就黎接我地去赤柱。
響呢度真係要多謝小寶既公公,
如果唔係我地要搭架30分鐘一班既巴士再坐50分鐘車程至到呀!
我地響赤柱都係好休閒咁逛逛同影下相,
不過突然有幾位哥哥姐姐當小寶係model不停係咁影,
難得小寶又唔抗拒,
咁我地都停低俾佢地慢慢影。
希望佢地記得send返D相俾我地啦!
2009年1月29日星期四
Happy Birthday to 小寶 by 胡師奶
小寶一歲喇~~ by 胡師奶
2009年1月28日星期三
開心年初二 by 胡師奶
2009年1月27日星期二
小寶的新春造型 by 胡師奶
今年係小寶第一年出去拜年,
為左令各位俾利是俾得開開心心,
我呢個形像指導響一個月前已經為小寶準備,
希望幫小寶化身成一個人見人愛、車見車載既小天使呀!
因為想俾大家一個驚喜,
所以連大寶daddy都係前一晚至知我搞乜,
哈哈!
想唔想知小寶個初一look係點呢?
睇下啦~~
<<變身前 - 小寶換完片片唔肯著褲,想我同佢"開年"?>>
<<半變身 - 收利是時間>>
<<75%變身 - 加件褸仔同小手袋,再著對新鞋仔>>
<<全變身 - 變成攣毛小公主,連小寶自己都拍手叫好!>>
小寶呢個新春造型,
連最嚴謹既小寶婆婆同盈EE都讚不絕口,
盈EE仲話有100分添呀!
聽到D親戚甚至街上既人都讚小寶cutie,
又話佢好似公仔咁得意,
真係好開心,
我諗呢個係我新年最大既禮物呀!
P.S.小寶既利是收入,將不會扣除任何開支,全數撥入佢名下既"小寶基金"。
2009年1月26日星期一
2009年1月18日星期日
我的舊曆生日 by 胡小寶
2009年1月11日星期日
新開始 by 胡小寶
尋日daddy媽咪一早就帶我返新playgroup,
因為係一至兩歲班,
所以我係全班最細果個呀!
媽咪初初都擔心我會唔鍾意,
但我又ok喎!
雖然有好多野(例如跳舞、做勞作)我都仲未做得到,
但我都好專心咁聽導師講野同唱歌,
我仲笑得好開心添,
媽咪都覺得有D意外呀!
媽咪話我除左最後15分鐘扭眼訓之外,
我既表現都算唔錯喎!
不過媽咪話睇得出我真係好眼訓,
因為我一出學校就眠眠喇!
哈哈,梗係啦,
我第一次上90分鐘既playgroup咋,
真係好倦架!
訂閱:
文章 (Atom)