十分擔心 by 胡師奶

尋晚本來諗住帶埋小寶參加佢未來Godmother既婚宴，
不過小寶實在唔係幾妥，
所以最終都留俾姐姐照顧。

飲完返屋企，
見到小寶訓響我地張床度，
姐姐話小寶唔肯響自己床仔訓，
又話佢可能出兩隻牙仔，
同埋有少少傷風，
所以好唔舒服。

我抱小寶返佢張床仔，
點知佢訓左一陣就喊醒，
喊喊下又咳又好似想嘔，
唯有抱起佢佢至肯訓。

就係咁成晚訓下又喊下，
見佢不停搞個咀仔，
我諗係D牙肉令佢好唔舒服啦！

成晚冇乜點訓，
今朝晨早走去診所make appointment睇醫生，
希望小寶早日康復啦！

Update:
睇完醫生，
醫生話小寶個鼻鼻受細菌感染，
影響呼吸同口腔，所以會咳，
可能佢胃淺，所以咳咳下就會嘔奶。
濕疹已經有改善，
牙仔未有咁快出，
應該問題不大！

響度要同醫生講聲唔好意思，
因為診症途中小寶示範左一次咳到嘔，
真係萬分抱歉！