拍攝學生照 by 胡師奶

今朝帶小寶返學校影學生相，
好多人排隊呀！

排到中段至有校服換，
第一次見小寶著校服，
突然覺得佢大個左好多呀！

排左一個鐘終於輪到我地，
小寶初初都驚驚地唔肯企定定影相，
老師唱歌佢至肯望住camera，
不過都係木口木面，
哈哈~~

老師話小寶都算影得快，
因為有D小朋友驚到喊呀！

返到屋企同姐姐講小寶出年三月返學，
姐姐話唔捨得，
講講下仲喊添！
其實我都唔捨得小寶，
唔知小寶開學果日我地會唔會齊齊喊呢？