父親節禮物 by 胡師奶

今年父親節好想小寶親手做D野送俾daddy，
經過一番深思熟慮，
決定由小寶"畫"幅畫響T-shirt送俾daddy。

為左保持神秘，
一切都係秘密進行。
作畫之日係六月十六日傍晚，
趁daddy未放工就快速進行呢件messy crazy job。

當小寶見到D顏料整污糟隻手仔，
面色都有D麻麻地，
不過佢又冇抗拒繼續玩，
好彩呢隻finger paint真係清洗容易咋！

搞左一輪，
畢加寶第一件畫作成功面世，
希望daddy鍾意啦！

(P.S.多謝小妹EE幫我響反斗城買finger-paint！ )

kakakakakaka by 胡師奶

希望你永遠都咁愛笑~~~

搞搞震@科學館 by 胡師奶

今日帶左小寶去科學館參觀，
雖然小寶完全唔理解，
但係佢依然玩得好開心，
因為有好多掣俾佢按，
仲有好多鏡，
真係照爆鏡呀！

再戰清水灣 by 胡師奶

今日我地又去清水灣二灘玩，
同行仲有小寶既公公、婆婆、EE、Gary哥哥、表叔、表嬸同埋小康康。
今次我地早少少到達，
以為少D人，
點知沙灘已經好多人，
停車場full晒，
搞到公公架車要泊到好遠呀！

起初小寶有D扭眼訓，
不過好快就玩得好開心。
小康康初初都有D驚，
但佢都好叻叻，
一陣已經完全投入喇！

我冇諗過俾小寶出去"游水"，
所以冇帶自己套泳衣同小寶個水泡，
不過小寶都借左小康康個水泡出去玩左一陣，
玩得好開心呀！

玩左個幾鐘我地就走喇！
小寶一沖完身就去左搵周公，
隔左一陣小康康都訓埋，
好彩有各位幫手照顧小寶，
我至冇咁辛苦咋！

希望快D有機會再去沙灘玩啦~~

Our 5th wedding anniversary by 胡師奶

今日係我同大寶daddy既五週年結婚紀念日，
今年既慶祝節目係去東涌坐纜車！
其實我有D畏高架，
不過學柴九話齋，
人生有幾多個十年，
坐就坐啦！

去程我坐定定郁都唔敢郁，
小寶就超興奮，
不停響車廂裏面行來行去，
我覺得小寶好似嘲笑我呀，
哈哈！

去到昂坪市集，
其實真係冇乜野行，
行到去大佛又冇本事行上去，
再去到寶蓮寺，
都係入去行過圈就回頭，
所以響昂坪只係逗留左兩個鐘左右就走人。

回程坐纜車比較多人，
排排下隊有個外籍女人問可唔可以影小寶，
哈哈，梗係可以啦！

回程時我已經冇咁驚喇，
不過都係唔可以好似小寶咁響車廂裏面行來行去，
佢仲撩同車既叔叔玩，
真係冇時停呀！

見到小寶玩得咁開心，
我都覺得好滿足呀！