婆婆，生日快樂！ by 胡小寶

聽日就係我個靚婆婆既舊曆生日，
響呢度再次祝婆婆身體健康、青春常駐、日日happy！
最緊要係隻腳快D好，
媽咪話要同你行街街呀！

尋日我返完playgroup就去左婆婆屋企，
眠左一陣就去青衣城食婆婆既生日飯。
今次係食法國餐，
不過又冇我份，
好彩我都有yummy yummy既"私房菜"，
哈哈~~~

媽咪今次好醒目帶左玩具俾我消磨時間，
舅父舅母又同我玩，
所以我都好忙呀！
舅父笑我大肚腩，
又話我扭計唔鍾意我，
激死我喇！

我今次撐足全場，
所以一上公公車冇耐就搵周公，
媽咪話我點郁都唔醒，
梗係啦，
我真係好倦架！！

~呢個就係壽星婆婆喇，你地估下婆婆幾多歲？！~


~媽咪話要買多幾個髮夾幫我扮靚靚，嘻嘻~


~媽咪又偷影我喇~