呢兩日好忙呀,
尋日同媽咪&小妹去左買衫仔俾小寶,
主要都係買6個月之後著既,
D衫仔幾靚又好抵買,
滿載而歸!
買完衫去左媽咪屋企休息一下,
又出發去做產檢。
上次抽左D分泌去驗B型鏈球菌,
result係冇野,
咁又安心D。
醫生今次estimate小寶7磅3安士重,
聽左之後真係嚇左一跳,
不過醫生話當3kg咁上下喎!
今日我地就大執屋,
大寶晨早就同舅父、表弟一齊返去西貢搬我張舊床返黎,
而我就響屋企清除垃圾,
希望騰D空位出黎放野。
好彩,一切都算順利,
宜家書房變左做工人房加雜物房,
不過我放假會再清理下,
希望可以整齊D啦!
小妹個朋友今日又送左D衫仔、玩具、尿片同埋D產後用品俾我,
真係好多謝呢位素未謀面既朋友,
我放假會慢慢執好D野,
哈哈!
2008年1月20日星期日
忙碌的週末 by 胡師奶
訂閱:
發佈留言 (Atom)
沒有留言:
發佈留言