病了 by 胡師奶

星期四朝早有D肚痛，以為冇事，照常返工，
點知返到公司依然係咁痛，仲有D反胃想嘔。
終於頂唔順要請假睇醫生。

醫生話腸胃炎，要休息多D。
有D擔心，因為自己身體唔好會影響胡小寶嘛！

小寶，你一定要身體健康，咪好似媽咪咁水皮呀！

儍爸爸 by 胡師奶

響日本淺草坐船時，

儍爸爸話要影小寶喎，

哈哈...

心跳 by 胡師奶

6月19號晚由日本抵港，結束日本6天之旅。


今次玩得好開心，小寶全程都好乖，
除左有幾次有D想嘔之外，乜事都冇，
我諗小寶同我一樣好鍾意日本。


大寶爸爸好體貼，
基本上我全程冇拎過行李，
好似大少奶咁，哈哈！


20號又去覆診，
小寶今次又大左DD，
仲見到個心仔跳下跳下添！
醫生放大D心跳聲俾我地聽，
好得意呀！


夜晚將個消息講左俾奶奶佢地知，
佢地都好開心呀！

小寶，咁多人錫你，
你要努力呀！

小寶7週大喇！

胡小小小小小小小小寶 by 胡師奶

話咁快就一個禮拜，
係時候去check check胎囊有冇大，
睇下胎囊裡面有冇baby。

超緊張，真係好驚，
不過好彩有大寶響身邊，
叫做定少少。

幸好胎囊大左，又見到胡小寶，
不過小寶得一點，真係好小好小。

醫生話宜家應該6週，
預產期大約係2008年2月6號，
佢話下次check會準確D喎。

因為聽日會去日本旅行，
所以問醫生拎定D安胎藥，
just in case啦，千祈咪要用呀！

又係果句: 超聲波相要等胡大寶scan完至post呀！

updated on July 12, 2007

第一次照超聲波 by 胡師奶

因為星期五清晨時有D肚痛，又有D唔舒服，所以請左假去聖德肋撒睇婦產科門診。
醫生幫我照超聲波，佢話我痛既地方冇問題，卵巢都冇事，
但係個胎囊比較細，因為我已經7週，但個胎囊size得4-5週。
佢話可能我排卵遲，叫我下個禮拜三再去睇下個胎有冇成長。

雖然我確實知道自己係排卵遲，但都有D擔心，
好驚個胎有問題呀！
胡小寶，你要努力加油呀！

本來諗住遲D至通知老細，
但今朝決定send個email話佢知，
順便交代埋禮拜三個training course要早走，
希望佢明白啦！

(超聲波相要等胡大寶scan完至post呀！)


updated on July 12, 2007



胎囊直徑 = 1.06 cm

第一次產前檢查 by 胡師奶

今日係好特別既日子，
除左係我同胡大寶結婚三週年之外，
就係我第一次做產前檢查喇。

由於今次響母嬰健康院做，
所以預左要搞好耐，
果然足足搞左一朝。

度高、磅重、量血壓、見護士、驗小便、見醫生、聽講座、抽血...
雖然好似好多野做，
但其實等多過做，哈哈！
不過D護士&嬸嬸超好人，
值得一讚！

特別鳴謝靚媽全程陪伴，無言感激！

小妹姨 by 胡師奶

今日同屋企人飲茶，之後一齊去行東港城。
我終於忍唔住話左俾屋企人知，
小妹聽到之後好開心，
我都俾佢D反應嚇左一跳，哈哈。

胡小寶，你要努力呀！
小妹姨等住同你玩呀！

擔心 by 胡師奶

雖然知道自己有左胡小寶之後覺得好開心，
但其實自己都有D擔心架，
因為我真係好驚胡小寶會唔健康。
我宜家都戒飲我至愛既咖啡&可樂，
晚晚飲牛奶，希望有幫助啦！

除左我同大寶，暫時得靚媽知咋，
我諗住遲下stable D至同其他人講啦。

6月6號就會去健康院做第一次產檢，
果日係我同大寶結婚三週年紀念，雙重意義呀！

6月23號就會去睇私家，
如無意外都會政府、私家兩邊走喇！