大成功！ by 胡師奶

尋日係大年初一，
一如以往，
我地中午就去小寶嘅公公婆婆屋企拜年，
夜晚就同嫲嫲果邊D親戚一齊食飯，
好忙碌呀！

D親戚見到小寶都話佢打扮得好可愛，
搭地鐵同行街都有途人讚佢得意，
今年嘅小長今造型總算成功，
yeah!!!

小寶的新春造型 by 胡師奶

聖誕之後已經開始諗小寶嘅新春造型，
舊年已經著過中國賀年服，
今年決定搞搞新意思，
著韓服扮小長今呀！

小寶一見套衫就好鍾意，
不停豎起手指公話good，
我就梗係覺得kawaii啦，
希望各位親友都鍾意啦！

祝大家虎年身體健康、
財源廣進、
小朋友學業進步呀！