熱辣辣@黃金海岸 by 胡師奶

好曬、好熱、好倦...
不過小寶玩得好happy ^o^

I'm back! by 胡師奶

4日3夜既吉隆坡之旅眨下眼就完結，
放假既日子果然過得特別快呀！

今次觀光既時間唔多，
主要都係食同逛商場，
亦都冇大出血 ^o^
小寶收穫最豐富，
有英文書同 Barney products，
大寶daddy同小寶公公就買左幾件衫，
反而我同小寶婆婆只係買左手袋咋！

小寶呢幾日變左mommy's girl，
全程黐住我要我抱，
搭飛機唔訓到又扭計，
搞到我好倦好辛苦！
雖然係咁，
但我都好enjoy同小寶去旅行，
希望快D又有得去玩就好喇！

吉隆坡之旅 - 期待篇 by 胡師奶

9月19日將會係小寶出世600日，
響呢一日我地會帶小寶去吉隆坡玩幾日，
第一次帶小寶搭飛機，
好緊張呀！

今次小寶既公公婆婆都會去，
有佢地幫手照顧小寶，
希望我可以輕鬆DD啦！

為左可以煮野俾小寶食，
我地今次會住serviced apartment，
上網睇好似幾正，
希望唔好貨不對版啦！

其實家陣都未plan好行程，
我諗都係以hea同適合小寶為主啦！
自從上次大住個肚去過日本之後，
我已經有兩年幾冇飛過喇！
希望快D到星期六，
同小寶去旅旅旅旅旅旅旅旅行啦！

小寶的近況... by 胡師奶

開始要幫小寶報2010年9月N1，
唔明點解間間學校都要咁多個回郵信封同証件相，
寫地址都寫到手軟呀！

小寶宜家都好努力學講野，
最叻應該係講"me"，
一見佢想要既野就會不停咁"me me me me me"，
好搞笑！

小寶越來越鍾意跳舞，
一聽到音樂就會周身郁，
真係冇時停呀！

不過我最開心係見到佢成日笑，
無端端都會哈哈笑，
希望佢keep住呢個大笑姑婆既性格啦！

坐車車，要緊握扶手


小寶對多拉A夢興趣不大，如果係Barney會開心D。


一邊食一邊畫畫，好忙！


食下午茶前祈禱