拍攝學生照 by 胡師奶

今朝帶小寶返學校影學生相，
好多人排隊呀！

排到中段至有校服換，
第一次見小寶著校服，
突然覺得佢大個左好多呀！

排左一個鐘終於輪到我地，
小寶初初都驚驚地唔肯企定定影相，
老師唱歌佢至肯望住camera，
不過都係木口木面，
哈哈~~

老師話小寶都算影得快，
因為有D小朋友驚到喊呀！

返到屋企同姐姐講小寶出年三月返學，
姐姐話唔捨得，
講講下仲喊添！
其實我都唔捨得小寶，
唔知小寶開學果日我地會唔會齊齊喊呢？

康康表哥vs小寶表妹 by 胡師奶

重拾舊水泡 by 胡師奶

今日同小寶去游水，
心血來潮拎返個箍頸水泡俾小寶用，
哈哈，
佢又唔抗拒喎！
最搞笑係宜家頸位有鬆添呀~~
用番呢個箍頸水泡，
佢響BB池度行來行去，
瘋狂撥水都唔怕喇！

~三個幾月大響浴缸游水 - 逼爆水泡~


~十八個月大苗條左... 講緊條頸呀~