~胡氏一家三口的生活點滴~
轉眼小寶已經18個月大,托賴小寶一直健健康康,都算係一個易湊既BB。雖然佢唔係最叻果個,調皮又鍾意扭計,但響我心目中永遠都係No.1,冇人可以代替!希望小寶永遠健康快樂!
七一,我地冇去遊行,只係帶小寶去clubhouse個泳池游水。小寶一如我地所料,一D都唔驚水,仲越玩越興奮!後來連水泡都肯坐要自己行,佢響淺水地方不停咁行來行去,就算飲左幾啖水都唔怕,繼續行行行、拍拍拍,一見水花就勁開心。就係咁玩足90分鐘,佢唔倦我都倦呀!小寶咁鍾意玩水,希望佢大個快D學識游水啦!