小寶過大海 by 胡師奶

星期四帶小寶過澳門玩，
同行仲有小寶既表叔、表嬸同康康表哥，
雖然只係逗留兩日一夜，
但小寶既物資已裝滿一篋。

出發前一直擔心天氣會好差，
幸好到達時只係天陰陰，
所以我地都去左好多地方，
例如去營地街市食牛雜、大三巴、議事亭、葡韻、威尼斯人酒店等等，
小寶同小康康都玩得好開心！
最搞笑係兩位小朋友分別俾唔同既人誤以為係twins，
真係"R"晒頭呀！



星期五天氣就好差，
一早已經落雨， 我地食完早餐唯有留響酒店俾兩位小朋友玩，
佢地仲互相有交流，
好似已經熟左好多。



我地見D雨細左，
就出發去松山公園，
但係D雨時大時細，
我地幾經辛苦去到都只能雨中漫步...
雖然好似有D無聊，
但我都幾鍾意，
因為冇乜機會可以一家人靜靜地響雨中行公園呀！

其實上天都好錫我地，
因為離開澳門前竟然停雨，
所以我地可以如期去漁人碼頭，
之後就結束呢次澳門之旅。

雖然只係玩左兩日一夜，
但已經覺得好倦好倦，
不過見到兩位小朋友既笑容，
真係幾倦都值得呀！

Quarry Bay Park by 胡師奶

今日帶小寶去Quarry Bay Park玩，
個公園好大，
有好多兒童遊樂設施，
好適合小朋友去玩呀！

響眾多遊樂設施之中，
小寶最鍾意玩軑盤同埋響D窿度"裝"出黎，
佢見到其他小朋友都會埋去一齊玩，
玩得好開心呀！

不過小寶麻麻地鍾意玩鞦韆，
可能佢有D被困既感覺啦，
下次有機會要再俾試下先。

我地一邊玩一邊行，
去到海濱公園時，
小寶已經眠眠喇~~
所以我地都冇上去葛量洪號滅火輪參觀，
只係入去望一望就走喇，
下次再帶小寶去玩啦！！

行喇~~~ by 胡師奶

小寶呢幾日行多左好多，
尋晚daddy仲話佢一次過行勻全屋添！
可惜我未能親眼目睹，
但睇相都覺得好開心 ^o^

小寶，你要努力呀！

小寶發燒了！ by 胡師奶

早幾日小寶發燒呀，
應該係打MMR後既反應~~
我見到小寶唔舒服真係好擔心，
半夜都會醒幾次幫小寶探熱，
仲拎定小寶D出世紙、針咭、醫療咭出黎以防小寶發高燒要入院，
我估我都死左好多細胞。

好多謝公公婆婆連續兩日過黎幫手照顧小寶，
有佢地幫手我都放心好多。
宜家小寶已經好番，
安樂晒！！

不過小寶病完之後黐身左，
脾氣又差左，
睇黎又要花D時間教下喇！

<<婆婆煲既湯水，yummy yummy！>>